| 1 2 3 4 5 6 7 8 9 |
O whare are ye gaun? Quo' the false knicht upon the road; I'm gaun to the schule, Quo' the wee boy, and still he stood. What is that upon your back? Quo' the false knicht upon the road; Atweel it is my bukes, Quo' the wee boy, and still he stood. What's that ye've got in your arm? Quo' the false knicht upon the road; Atweel it is my peit, Quo' the wee boy, and still he stood. Wha's aucht they sheep? Quo' the false knicht upon the road; They are mine and my mither's, Quo' the wee boy, and still he stood. How monie o' them are mine? Quo' the false knicht upon the road; A' they that hae blue tails, Quo' the wee boy, and still he stood. I wiss ye were on yon tree, Quo' the false knicht upon the road; And a gude ladder under me, Quo' the wee boy, and still he stood. And the ladder for to break, Quo' the false knicht upon the road; And you for to fa' doun, Quo' the wee boy, and still he stood. I wiss ye were in yon sie, Quo' the false knicht upon the road; And a gude bottom under me, Quo' the wee boy, and still he stood. And the bottom for to break, Quo' the false knicht upon the road; And ye be drowned, Quo' the wee boy, and still he stood. |