O Saw ye Jenny Nettles; Jenny Nettles, Jenny Nettles? Saw ye Jenny Nettles, Coming frae the market; Wi' Bag and baggage on her back, Her fee and bountith in her lap, [W]i' Bag and baggage on her back, And a babie in her oxter? I met ayont the kairny, Jenny Nettles, Jenny Nettles, Singing till her bairny, Robin Rattles bastard; To flee the dool upo' the stool, And ilka ane that mocks her, She round about seeks Robin out, To stap it in his oxter. Fy, fy! Robin Rattle, Robin Rattle, Robin Rattle, Fy, fy! Robin Rattle, Use Jenny Nettles kindly; Score out the blame, and shun the shame, And without mair debate o't, Tak hame your wean, make Jenny fain The leel and leesome gate o't.